(مخولع. رب الإلاه)
رب الإلاهي أطلبك رب الإلاه
العبد لاهي على سبيلك وجّهه
وعن الدواهي جنّبه محن وأذاه
لاعنك ساهي يا إلاهي نبهه
(متازل)
واضح متازل أشرق من برقاً شعل
كيف يحكموبه الضوردي واليوثدي
ياليوثدل يالضوردل يالمويدل
يكفيش الله الواجدي الماجدي
(الله أكبر)
الله أكبر ما سعى الساعي وطاف
يدعو وليّه على السعي يترددّي
مثيل الوادي بالغزر غدّر وطاف
تسمع حنينه م البعد يتردّدي
(العمر)
العمر ينقص لو زاد العمر أعمار
مثيل اللينه بالمثامر وخرفت
ولو زيُنت أرض الله وزخرفت اعمار
أتاها أمره مابقت مازخرف
(خط)
هيضي القريحه وياحبر المذابر خط
دام الفكر هم المشاغل غادره
دعوت الباري فكل سطر الكتابه وخط
يهزم جيوش الكافرة الغادره
( شوق مكة)
دومه سما قلبي ملبّد بالسحاب
والشوق يرعد فالهمايل والهطول
وعلى ضواحي مكة منحدر سكّاب
ينهل عليها هملولاً تلى هملول
(أنغام)
تقلب دنا أنغام ورنين
ويناغم مع وترها اللاّهي
العمر برّ وتطحنه سنين
رحماك يارب الإلاهي
(يا الله)
كل من طرق للواهبي باب
يفتح له الولي أبوابه
يالله بسحّّاباً على سحاب
من جوّاً ينهمل سحّابه
هاض الفكر كالنهر دعّاب
سلسال جداوله دعّابه
يحمل سلاماً لذّته شراب
من مختلف ألوان شرابه
موسى سليم الرحبي
